O alumnado do CEIP Plurilingüe O Ramo recibiu a visita de Jose Antonio. Farmacéutico, nutricionista e papá do cole.
Contounos cousas súper interesantes sobre a comida e a bebida que consumimos, falounos da importancia de comer san para o funcionamento do noso corpo e resolveunos moitas dúbidas.
O alumnado de Educación Primaria tivo a fortuna de coñecer mellor o fútbol sala da man de David González, o preparador físico da Selección Española. Xunto a él estiveron tamén dous xogadores e dúas xogadoras para contar as súas experiencias.
Ademais, aproveitouse a ocasión para traballar aspectos relacionados coa deportividade.
O equipo de baloncesto en cadeira de rodas, BASKETMI, visitou o noso centro nunha xornada moi interesante para o noso alumnado.
Coñeceron realidades diferentes e vivenciaron en primeira persoa como é xogar ao baloncesto dende unha cadeira de rodas.
O Parrulo Fútbol Sala visitou o noso centro. O alumnado de 3º, 4º, 5º e 6º de Educación Primaria tiveron a oportunidade de coñecer a varios xogadores do primeiro equipo e de desfrutar dunha sesión de adestramento con eles.
Os días 27 e 28 de setembro todos os cursos do cole desfrutaron dunha sesión de baile impartida pola escola de baile May Dance.
Varias xogadoras do BAXI Ferrol visitaron o colexio para responder as preguntas do alumnado de quinto e sexto de primaria. Despois fixeron un pequeno adestramento coas xogadoras.
David González é o preparador físico da selección española de fútbol sala. Ten unha dilatada experiencia no ámbito do deporte e impartiu aos nosos alumnos unhas charlas sobre hábitos de vida saudable e deporte.
Daniel Portomeñe contoulle ao noso alumnado a súa experiencia como deportista. Como comezou a practicar deporte e como compaxina esta actividade co ámbito académico.